分手說話乃社交禮儀

以前做愛情諮詢,我聽過好多極騎呢的分手原因,而當局者又竟然會信以為真。

「我放不開個ex」
「你脾氣太差」
「我父母/朋友不喜歡你,但我是很愛你的」
「你不避孕?你明知我有老婆,係咪想玩我?」
「你太叻喇,我配你唔起」
「我未準備好認真發展一段關係」
「你光頭」
「你是好女仔,我不想拖累你」

被分手的人,特別是女人,很多都屬「好學型」,總覺得要從上一段關係去學習甚麼,記得有個好純的女仔,因為不想拖累男人,竟然走去學蒲,還問我「壞一點是否更值得被愛?」另外有兩個女仔,因為想改掉脾氣,學了凡事死忍,結果一個忍到壓力爆煲,爆瘡爆到要看皮膚科醫生,另一個則忍到變間歇躁狂。還有好多個女仔,因為太叻女,在下一段戀情中學人扮低能,最終被新男友的朋友說︰「這女人太有機心」,同樣被分手。

任何分手原因,即使再合理,其潛台詞都不過是︰「我愛自己多過愛你。」真心愛你的人,才不會捨得讓你傷心,更無可能會作出丟低你一個的選擇。而你竟然還相信他的所謂原因,為他去改變自己?

你不信我,也要信你班老死︰你沒有不好,你只是在他心目中不夠好。但人人口味不同,品味亦有高低之分,你又何必讓他的bad taste留在你的口裏,陪他一齊臭落去?再者,其實沒有幾多個人有膽對你說︰「我不愛你了。」你再憎你老闆,見到他都會講「Good Morning」啦!但有幾多人是真心想你Good?分手的話,禮儀嚟啫,你就當笑話聽聽好了,最緊要是,你快點收拾心情,迎接下一個「無論如何都要跟你一起」的他好過啦!

此文章曾刊登於she.com
轉載必須列明出處



About Elizabeth 周靈山

Elizabeth 周靈山
本文作者︰周靈山,愛情和瘦身食譜作家,減了60磅,擁有感應力,能看穿男人內心。著作《你是女皇,他就是皇帝!》  版權所有 © 2014 Lively.com.hk