既然你咁健康,食呢啲啦!

cricket

你身邊有無「堅離地城」個friend?見你吃飯盒、甜包,就即入大驚小怪mode︰「嘩咁肥你都食?!」事關他好自豪自己滴油不沾。見你吃肉飲奶,又毒婦上身︰「小心毒死你!」

有時當對方聽上去太正義,便會顯得你好錯,即使你心裏有百句反駁,都唯有全部吞返落肚。
「大佬唔通咩都唔食咩⋯⋯」
「你估人人都可以好似你咁唔使做,咁得閒响屋企煮飯咩!」
「我返工攰到想死啦,食嘢又唔得?」

終於,有辦法。

話說近年,美國一些極健康飲食派,興起吃一款高蛋白、低脂、高鈣、高鐵質、無麩質、不用殺家禽,換言之好健康環保的食品。聽到一連串介紹之後,大家一定好有興趣,好啦,開估,就是「蟋蟀粉Cricket Powder」--將6~8週大、已長出外殼的蟋蟀,原隻、連頭連腳、烘乾或曬乾後,打磨成粉。

每100克蟋蟀粉,含13克蛋白,同時亦含鐵和鈣,其營養雖不及豬、牛、雞肉高,但健康飲食派認為,蟋蟀至少能補充營養,同時又不用吃肉所以不妨害生態環境。

而最盛行的食法,就是當麵粉加入烘焙中,做成無麩質的蛋糕、曲奇等等。美國食品牌子Exo和Chapul,更推出了「蟋蟀能量捧Energy Bar」,包括有可可果仁味、花生果醬味。

各位「大佬唔通咩都唔食咩⋯⋯」一族,買定幾包蟋蟀粉旁身,下次再遇到係要站高一線,不體諒你累到想死不想煮飯,把吃肉吃飯盒的你批評成低等生物的人,即場沖一杯叫他乾咗佢😏Bon Appétit!

不過呢,這類人一聽到「健康」「環保」等keywords,分分鐘又會即時自我催眠:「好好飲喎邊度買㗎我買10包先!」可能好快就會出現在各大群組:「我吃了食蟋蟀後皮膚白了瘦了精神了會飛了⋯⋯」然後,就是一堆烘蟋蟀教學,烘蟋蟀神器,大家不再去海邊摸蜆,改而上山採野生蟋蟀。

其實每個人都有不同的生活方式,做不到互相尊重,都不用下下講到「食死你」「毒死你」的。想人聽你講,還是老套一點「以身作則」最好,將你在你的飲食習慣中感受到的樂趣,用正面的方法分享給別人,自然會有人想湊熱鬧,餐餐都「有毒別吃!」,只會令更多人怕了你,更甚的,你會連累其他健康飲食者,令人以為「原來食健康嘢啲人好乞人憎囉!」老實,這句話在我做靈感煮意以來,已聽唔少。

#乜都話肥咁食蟋蟀囉
#落油話肥咁食蟋蟀囉
#下次我整蟋蟀蛋糕囉
#做人別太極端
#吃甚麼都要均衡
#人類應互相尊重
#同時千萬不要浪費食物



About Elizabeth 周靈山

Elizabeth 周靈山
本文作者︰周靈山,愛情和瘦身食譜作家,減了60磅,擁有感應力,能看穿男人內心。著作《你是女皇,他就是皇帝!》  版權所有 © 2014 Lively.com.hk