呢種生活,使鬼我教你咩!

what-a-joke

首先,不是說我不尊重那些咩咩師、乜乜師。但請問,你寫張無油鹽糖麵粉湯麵食譜之前,有無考慮過味覺?

男人心聲︰怪不得,好多老公都不願減肥,你要我吃這些,我估抑鬱會令我更短命。

第二,拍片例牌好光,日韓風地光,老實我住香港幾十年,都未試過有錢到住一棟勁光猛,周圍都有窗,出面又無樓檔住的樓。

第三,好興去荒山野嶺做運動,例如瑜珈。至少我本人,日日都忙到就快連草是怎樣子都想不起,誰會有閒情逸致去海邊拉筋?聽講千億新抱就是過這種生活,坐郵輪出海做瑜珈,每位盛惠$2888,入會費20萬。

你可以說我憤世嫉俗,但我活在現實,好難follow這種甚麼都別吃的生活,更別說搭成個鐘巴士去崖邊呼喚健康,再搭成個鐘巴士回家沖涼,教鬧鐘明天記得準時返工。

所以,我的減肥散文一向好現實,均衡飲食:兩份菜、一份肉、一份飯,食足三餐,茶點少少甜品。食譜我會搞掂。

另外,平日用我講過的「生活化運動法」 朝早提早一個站落車,走路回公司;放工跟同事邊講是非邊走路去下一個站上車;晚上看電視時,一賣廣告就原地跑3分鐘,劇集再播就做伸展拉筋運動10分鐘,不用故意做運動,每天都能額外消300多卡路里。

問心無愧、快快樂樂、輕輕鬆鬆地瘦便可以。

那些享受人生,去離島將隻腳放上頭影相的生活,舒服成咁,使鬼我教你咩!

現在笑完,趁星期日,仲唔跑去大嶼山做瑜珈?哈哈哈!



About Elizabeth 周靈山

Elizabeth 周靈山
本文作者︰周靈山,愛情和瘦身食譜作家,減了60磅,擁有感應力,能看穿男人內心。著作《你是女皇,他就是皇帝!》  版權所有 © 2014 Lively.com.hk