一粒精子換個仔

男仔朋友打來呻個老婆,我一早就感應到他狡辯,但兩夫婦我都認識,還是不要說太多做八婆!

但當我聽到他話︰「她一日到黑都小事化大,同阿媽食飯又話阿媽針對她,同她出街飯又話我忘記她對海鮮敏感,老實丫,不是我見她快40歲,又生過仔,好難返頭嫁,我很想離婚!」

我內心那團正義之火又燒到爆炸,如果我不用他心目中的「大師」身份幫女仔朋友出氣,就不是人!

然後我清清喉嚨,用力深呼吸!
「我同你講,女人真係好有能力小事化大,
你買舊肉買條瓜俾佢,佢化餐飯俾你!
你同佢夾份租間屋仔,佢化個家俾你!
你俾粒精子佢,佢辛苦九個月化個仔俾你!
就算宜家你咩都唔俾佢,佢依然乜都俾哂你!
你唔可以鍾意果啲就袋哂,唔鍾意果啲就嗌離婚!
你最好對佢好啲,唔好逼我都企响佢果邊,到時你令佢唔好過丫嘛?我就教佢點樣令你一世都難過!
我有無呢種能力,你盤生意仔好清楚!」

「你別生氣嘛…我不過隨便講講啫…我會檢討喇…」

收線之後,身邊的老公竟然無被我吵醒,道行極高的沉睡者!

哈哈哈!!



About Elizabeth 周靈山

Elizabeth 周靈山
周靈山,纖廚教室創辦人、愛情及瘦身食譜作家,著作有《邊吃邊瘦2!56道無添加‧減油糖食譜》、《邊吃邊瘦!50道獨家瘦身食譜》、《你是女皇,他就是皇帝!》。 Facebook︰ http://www.facebook.com/lively.com.hk/ Instagram︰lively.com.hk