加速減肥小妙計

lose-weight-trick

昨天在東方日報專欄《靈食煮意》,我教你飲雞湯令自己享受流汗,繼而嘗試做運動。今日再給你一些計仔,幫你推高減肥進度!

有朋友版

跟一個好同事約定,每人每日做一味卡路里改良菜,在午飯時share,你當然可以介紹他看我的教煮video!

想像一下,你做墨西哥雞肉餡卷,她做雜菜雞湯,夠飽就肯定啦,但最好的是,你只需出一份力,就吃到兩種健康有營養菜式,全部加起來才550卡路里,絕對好過出街食飯盒!

放工後,跟這位好同事行路去下一個地鐵站,例如本來在旺角上車,就走路去佐敦。每走半小時,能消約100卡路里。別以為好100卡路里好少,配合均衡飲食,你的新陳代謝必定運行得比以前快。雙管齊下,慢慢就會瘦啦!

無朋友版

無朋友,更加要活得比所有人都好!我當初減肥都無人陪,但包拗頸個性反而令我事半功倍!

在星期六、日,準備好一至五的食物,例如︰煮一煲黑豆粥,每朝吃一碗;煮一煲肉醬,星期一送西蘭花、星期三送麵包、星期五送飯。至於星期二、四,借意約下同事食飯啦,無理由世界咁多人,你一個朋友都無嘛!

至於小運動,地球太危險喇,無朋友陪最好立即回家,等看電視時,郁動下手手腳腳。我以前最鍾意坐在梳化”fing (搖)”手,不過是雙手打圈、加向上向下fing。這是外國運動創傷治療界,對下身創傷的康服者使用的方法,五分鐘已經提升到心跳,十五分鐘便會出汗,雙臂發熱變紅,聽上去都知道有幾大滿足感!

其實減肥,並非你所想的難,當然,要由一個comfort zone,跳升去更健康的境界,過程必定會遇到辛苦和掙扎,希望這些小計仔會幫到你啦,加油啊!



About Elizabeth 周靈山

Elizabeth 周靈山
本文作者︰周靈山,愛情和瘦身食譜作家,減了60磅,擁有感應力,能看穿男人內心。著作《你是女皇,他就是皇帝!》  版權所有 © 2014 Lively.com.hk